المقابلة الشفوية للمدارس العليا للأساتذة

المقابلة الشفوية للمدارس العليا للأساتذة



هي عبارة عن مقابلة شفوية فردية بين الطالب مع أستاذين غالبا ،يُسأل فيها أسئلة بسيطة سهلة بغرض معرفة مدى سلامة قدراته العقلية والبدنية، وقدرته على التعليم مستقبلا(السمع ، البصر٫ الكلام، التفكير..) وتستغرق 10 دقائق على الاكثر ( يعني على حساب الاستاذة لطيحو فيهم 🙂)




من بين الاسئلة التي تطرح : 
أعط تعريفا لنفسك باللغة الانجليزية أو الفرنسية (متخافوش كيما كنا نعرفو سنة اولى متوسط دا مكان👀)
لماذا اخترت المدرسة العليا للاساتذة ؟( بلاكو تقولولهم علاجال التوظيف ولا الدراهم 😂) ولماذا اخترت هذا التخصص ؟ ماذا تعرف عنه ؟ 
وممكن يسقسيك سؤال من برنامج البكالوريا على المادة المتخصص فيها لكن مراحش يركزو على صحة الإجابة قدما يركزو على طريقة الإجابة يعني متبينوش بلي راكم خايفين عادي جدا ✨




اذا كانت التخصص الثاني او الثالث ممكن يسقسيك لماذا !!
ماذا تعرف عن المدرسة ؟ 
هل تحب التعليم ، هل لديك أحد من أقاربك في هذا المجال ؟....
يمدلك تكتب عبارة فالسبورة بالعربية لمعرفة مدى سلامة الخط ..



كما يمكن ان تكون هناك أسئلة شخصية واخرى استفزازية مثلا :
هل لديك أحد من أقاربك في هذا المجال ؟ 
وين تسكن ؟ ماهي هواياتك ؟ 
 ماذا تفعل في أوقات الفراغ ؟ ..ولا قتلهم الهواية تاعك مثلا قادر يقعد يسقسيك عليها تسما لازم تكون صبور ( كيما انا مثلا قتلو القراءة قالي شحال قريتي من كتاب 🙂 وشكون هو المفضل فيهم عندك ، وش من نوع الكتب تحبي ، وماهو آخر كتاب قريتيه ، قريب حكيتلو حياتي 😂 )



 المهم يعني قادر داخل سؤال يكونو أسئلة اخرى ، وقادر يعاودولك السؤال أكثر من مرة انت فكل مرة جاوب بهدوء وأريحية ،الغرض معرفة مدى صبرك ..
نقطة مهمة عند الذهاب لاجتياز المقابلة يجب ان يكون اللباس محترم كذلك الجلسة محترمة هادئة مع ابتسامة جميلة 😁( يلاحظو هاد الأمور ) 


 ايضا من يملك نظارات طبية يذهب بها فهو أمر عادي جدا
فالنهاية يتم قبول معظم الطلبة فلاداعي للقلق او الخوف

راني خلطتها عربية ودارجة 🙂معليه المهم تستفادو ✨ ولعندو إضافة ولا بلاك حاجة نسيتها يخليها فليكومونتار 🌸


إرسال تعليق

أحدث أقدم

ADP1

ADP2

نموذج الاتصال